Дар доираи дастуру супоришҳои директори Корхонаи воҳиди давлатии “Маркази сертификатсиякунонии кор ва хизматрасонии соҳаи нақлиёт” ҷиҳати ба сомон расонидани корҳои ободонӣ ва марҳила ба марҳила таҷдиду азнавсозии нуқтҳои баркашӣ экспертони филиали корхона дар шаҳри Душанбе бо ташкил намудани ҳашари дастаҷамъона нуқтаи баркашии РБ – 09, 21,9 км (Фахробод) Душанбе – Панҷи поёнро таъмиру таҷдид намуданд. Рангу бори дохили хона – вагон, ба ҷойҳои мувофиқ гузоштани лавозимоти корӣ, фароҳам овардани шароити хуб барои кормандон, ки шабонарӯзӣ ба хизматрасонӣ ба воситаҳои нақлиёти боркаш машғуланд, яке аз амалҳои ободонӣ ба ҳисоб рафта, шавқу рағбати онҳоро нисбат ба кор дучанд менамояд. 
