Санаи 19 январи соли 2024 ҷаласаи чамъбасти натиҷаҳои фаъолияти Корхонаи воҳиди давлатии «Маркази сертификатсиякунонии кор ва хизматрасонии соҳаи нақлиёт» дар соли 2023 ва нақшаҳо барои соли 2024 бо иштироки муовини якуми Сардори Хадамоти давлатии назорат ва танзим дар соҳаи нақлиёт Раҳимзода Мирзошариф Убайдулло баргузор гардид.Дар ҷаласа муовини якуми Сардори Хадамоти давлатии назорат ва танзим дар соҳаи нақлиёт Раҳимзода Мирзошариф Убайдулло, директори Корхонаи воҳиди давлатии «Маркази сертификатсиякунонии кор ва хизматрасонии соҳаи нақлиёт» Саидзода Сайфиддин Саидҷафар, муовини якуми директори КВД «Маркази сертификатсиякунонии кор ва хизматрасонии соҳаи нақлиёт» Рауфзода Абдулло Рауф, муовини директори КВД «Маркази сертификатсиякунонии кор ва хизматрасонии соҳаи нақлиёт», Ахунов Ҷамшед Маликович, сармуҳандиси КВД «Маркази сертификатсиякунонии кор ва хизматрасонии соҳаи нақлиёт» Саидов Давлаҳмад Аҳмадович, сардори Раёсати сертификатсия ва нозирот дар соҳаи нақлиёт, сардорони шӯъбаву мудирони бахшҳо, роҳбарон ва муовинони филиалҳои корхона ва экспертони филиалҳои Корхонаи воҳиди давлатии «Маркази сертификатсиякунонии кор ва хизматрасонии соҳаи нақлиёт» иштирок доштанд.
Нахуст баромади муовини аввали директори КВД «Маркази сертификатсиякунонии кор ва хизматрасонии соҳаи нақлиёт» дар бораи натиҷаҳои фаъолияти корхона дар соли 2023 шунида шуд.
Тадбирҳои оқилонаю созандаи Ҳукумати Ҷумҳурии Тоҷикистон дар самти беҳдошти рӯзгори омма нишон медиҳанд, ки барнома ва нақшҳои пешбинигардидаи давлативу соҳавӣ зина ба зина ҳалли худро ёфта, амалӣ мегарданд. Вобаста ба пешрафти ҷомеа дар давоми соли ҷорӣ дар ҳамаи самтҳои хоҷагии халқи мамлакат аз ҷумла, дар фаъолияти КВД «Маркази сертификатсиякунонии кор ва хизматрасонии соҳаи нақлиёт» низ пешравиҳо ба назар мерасанд.
Аз ҷониби маърузакунанда мушкилот дар самтҳои фаъолияти КВД «Маркази сертификатсиякунонии кор ва хизматрасонии соҳаи нақлиёт» ва роҳҳои ҳалли онҳо зикр шуда, дар муҳокимаи масъалаҳо роҳбарони филиалҳо иштирок намуда дар ҳалли камбудиҳои ҷойдошта ва ҳалли онҳо суҳбатҳо гузарониданд. Тибқи нақша чорабиниҳо камбудиҳои ҷойдоштаи соли сипаришударо дар семоҳаи якуми соли 2024 бартараф намуда, корҳоро дар ин самт ҷоннок менамояд.
Воқеан, дар ҷое ки тартибу низом ва дарки баланди масъулиятшиносӣ ҳаст, дар он ҷо кору пешравӣ ва натиҷаҳои мусбӣ ҷой дорад.
Дар интиҳои ҷаласа муовини якуми Сардори Хадамоти давлатии назорат ва танзим дар соҳаи нақлиёт Раҳимзода Мирзошариф Убайдулло, фаъолияти кории КВД «Маркази сертификатсиякунонии кор ва хизматрасонии соҳаи нақлиёт»-ро, барои давраи соли 2023 мусбӣ арзёби намуда барои боз ҳам беҳтар намудани сатҳи хизматрасониҳо дар соҳаи нақлиёт ба кормандон таклифу пешниҳодҳои судманд иброз намуданд.
