Ободонӣ ва ба кабудизор табдил додани ҳар гӯшаи Ватани азизамон маҳз ба ҳисси ватандӯстию ватанпарастии ҳар шахс вобаста аст. Филиалҳои Корхонаи воҳиди давлатии “Маркази сертификатсиякунонии кор ва хизматрасонии соҳаи нақлиёт” дар минтақаҳо бо мақсади ободу зебо гардонидан ва тоза озода намудани гирду атрофи нуқтаҳои баркашӣ корҳои ободониву бунёдкориро вусъат доданд. Шинонидани дарахтони мевадиҳанда ва сояафкан, гулу гулбуттаҳои ороишӣ намуди зоҳирии маҳалли корро дар нуқтаҳои баркашӣ зеботар намуда, ба ҳусни табиат зебогии дигаре зам менамояд. Ин аст, ки тибқи супориши роҳбарият дар санаҳои муайян дар нуқтаҳои баркашии филиалҳои корхона бо ҷалби васеи кормандон шанбегиҳои дастаҷамъона гузаронида мешавад.
